« Itzuli albistegira

LibreCON kongresuak lankidetza eta berrikuntza aldarrikatu

2022-11-19

Petronorrek Bilboko BATen (B Accelerator Tower) garrantzia azpimarratu, “lankidetza eta berrikuntza sustatzeko” LibreCON kongresuan.

Petronor Innovación-eko zuzendari Manu Núñezek eta konpainiako Digitalizazio arduradun Itziar Landak LibreCON kongresuan parte hartu zuten atzo, Bilbon. Bertan zibersegurtasuna, konputazio kuantikoa, berrikuntza irekia, metabersoa, eraldaketa digitala, Adimen Artifiziala edo 5.0 industria izan ziren hizpide, besteak beste. Núñez-ek ‘El espacio como un agente del cambio’ mahai-inguruan hitz egin zuen eta Landak konputazio kuantikoari buruzko mahai-inguru bat koordinatu zuen.

Amaiera-eguneko mahai-inguruak B Accelerator Tower-en (BAT) egin ziren. Petronorrek lankidetza eta berrikuntza sustatzeko lan-gune bat du han, uste baitu “berrikuntza irekiaren giltzarri bat hainbat talderen arteko loturak sortzean oinarritzen” dela, “haien arteko lankidetza sustatzeko”, eta BAT bezalako ekosistema batek “hiru hilabete baino ez dituela dagoeneko batzuk lortu dituela”.

Manu Núñezek azpimarratu nahi izan zuen 2016an Petronor Innovación sortu izanak “negozioaren eta ohiko enpresa eta zerbitzuen ekosistematik kanpoko konponbideak bilatzea” erraztu zuela, hau da, “argi luzeak jartzea, sektoretik ateratzea”, eta orain, gainera, “BATen ekosistemak Capital Venturing eta Repsol Fundazioarekin eskalatzea ahalbidetzen du”.

Itziar Landak teknologia kuantikoek industrietan duten aplikagarritasunari buruzko mahai-ingurua moderatu zuen. Bertan, teknologia kuantikoen egoera eta industriari epe labur-ertainean aplikatzeko aukera aztertu ziren ikuspegi zientifikotik. “Petronorren traktore lanak egiten ari gara Repsol Taldean, teknologia kuantikoen kontzeptuaren proba bat egiteko, eta BATen dugun presentzia helburu hori lortzera bideratuta dago neurri batean”, adierazi zuen. ‘Bigarren iraultza kuantiko’ betean, teknologia horiek epe laburrean espektatiben kudeaketan duten garrantzia azpimarratu nahi izan zuen.