« Itzuli albistegira

Petronorrek 2021 urteko memoria aurkeztu du, formatu digitalean eta interaktiboan

2022-07-14

Petronorrek 2021eko urteko memoria aurkeztu du, formatu digital, nabigagarri zein interaktiboan, eta dagoeneko eskuragarri dago bere webgunean.

Formatu berritu honi esker, Interneteko erabiltzaileek findegiaren 2021eko ekitaldiko datuak modu didaktiko eta interaktiboagoan ikusi ahal izango dituzte, eta klik baten bidez interesatzen zaien arloko informaziora iritsi ahal izango dira. Modu askoz azkarragoa eta zuzenagoa, formatu nabigagarri eta errazean internautentzat.

Petronorren 2021eko urteko txostenak ekitaldi horretako emaitzak jasotzen ditu, findegiaren bilakaerari buruzko iazko informazio eta datu guztiekin batera: ingurune ekonomikoa, jarduera, inbertsioa, segurtasuna, kalitatea, ingurumena, pertsonak, ingurunearekiko konpromisoa, deskarbonizazio-ekimenak, gobernantza, datu ekonomikoak eta gehiago dira memorian agertzen diren gai nagusiak.